金田日本料理 (已結業)

前排和一班同學想食日本菜大家就夾埋來金田食嘢啦！對於我哋女仔來講出食飯第一選擇就係日本菜顏色漂亮、款式多、味道又正！金田有幾樣嘢我次次都會必食嘅，吞拿魚腩手卷，吾係人人都中意食吞拿魚，但我覺得好鮮甜，食過番尋味！甘蝦腐皮卷，D蝦超爽口又彈牙，咬落去啖啖都有蝦，吾食對唔住自己。黑椒煙鴨胸，好好味，色香味俱全，不過如果份量再多DD就very good啦！秋刀魚係好多人嘅最愛，我都係，一上臺香氣撲鼻,食幾條都覺得未夠喉啊！蒜容青口每次都一定有，我已經對它上曬癮，大大只好肥美，一隻一啖，極力推薦，因我唔中意食蒜容，so次次食一半漏一半（蒜容），宜家諗起都想再食啊，實在太美味了！食日本嘢雖然貴左DD，但食到自己中意嘅食物，物超所值，都抵番啦。