影片
更多
2008-11-29
45 瀏覽
話說當年，我就o係呢間野度奉獻左我既第一次.....第一次....第一次......第一次~~食~墨~魚~滑~！ 嘩，第一次果時好驚為天人架，自此之後一試愛上，幾乎次次，無論去到邊打邊邊，我都會叫墨魚滑，但我覺得冇一度做得有龍城金記咁好。佢d墨魚滑係新鮮墨魚打出來的，已經好夠鮮甜；佢仲加埋蟹籽 -- 唔好睇小d蟹籽，佢地令到成個墨魚滑口感豐富好多，盡收畫龍點晴之效。不過，我真係好耐都冇黎食啦，所以今晚捉埋d同事黎食.....嘿嘿嘿~~ (yeah, 奸計成功，佢地本來唔係想去呢間的... )但係，我唔記得同佢地事先聲明：我打邊爐唔鐘意食肥牛架 (最多有其他人叫，我食一片咁大把嘿, 但我一定唔會自己叫的)，所以我唔知個質素點...我諗有人想殺左我。好入正題，我地叫左：1. 肥牛(好似係本地手切果隻)：我乜都唔知，我冇食；我隔離的同事話唔得，不過唔知點解一路話唔得一路搏命食，我真係見佢不斷送d肥牛入自己個口度架..... (我真係好懷疑：佢一開波果句「唔得」，其實係咪為左退敵呢？)2. 墨魚滑：好~好~味~呀~~~~冇退步，冇走樣，同事都讚好。3. 呀，唔記得講湯底：清湯 + 沙爹湯底：
嘩，第一次果時好驚為天人架，自此之後一試愛上，幾乎次次，無論去到邊打邊邊，我都會叫墨魚滑，但我覺得冇一度做得有龍城金記咁好。
佢d墨魚滑係新鮮墨魚打出來的，已經好夠鮮甜；佢仲加埋蟹籽 -- 唔好睇小d蟹籽，佢地令到成個墨魚滑口感豐富好多，盡收畫龍點晴之效。
不過，我真係好耐都冇黎食啦，所以今晚捉埋d同事黎食.....嘿嘿嘿~~ (yeah, 奸計成功，佢地本來唔係想去呢間的... )
但係，我唔記得同佢地事先聲明：我打邊爐唔鐘意食肥牛架 (最多有其他人叫，我食一片咁大把嘿, 但我一定唔會自己叫的)，所以我唔知個質素點...我諗有人想殺左我。
好入正題，我地叫左：
1. 肥牛(好似係本地手切果隻)：我乜都唔知，我冇食；我隔離的同事話唔得，不過唔知點解一路話唔得一路搏命食，我真係見佢不斷送d肥牛入自己個口度架..... (我真係好懷疑：佢一開波果句「唔得」，其實係咪為左退敵呢？)
2. 墨魚滑：好~好~味~呀~~~~冇退步，冇走樣，同事都讚好。
3. 呀，唔記得講湯底：清湯 + 沙爹湯底：其實我唔太like沙爹湯底，嫌太「漏」，不過呢度既唔算太漏....唔知係咪因為我地滾滾下兩邊溝埋一堆啦....
4. 鮮蝦水餃 - 又係好味！蝦新鮮，真係皮薄餡靚。
5. 墨魚丸 + 芝心蝦丸：都係新鮮打出黎的，個芝心蝦丸個漿都幾爆下，不過好彩較杰，唔會射到週圍都係；墨魚丸都鮮甜，但始終冇墨魚滑咁正 - 咪就係爭左d蟹籽囉！
6. 炸魚皮 - 就咁食的話好唔得，因為已經有d淋；不過，放湯後就幾好。
7. 山根、雜菇、唐萵：係新鮮的，用料靚，所以好味，尤其是個冬菇真係揀得好好。不過，我地遲去 (9:45pm入席)，竟然係冇菜？！ dull「唐萵」，夾埋d西洋菜先夠一dull。
(其實仲有個牛腩同醉雞的，不過我冇食答唔到你：聽聞個雞幾滑囉)
六個人仲叫左六支啤酒；四支青島，兩支asaki；據兩位同asaki好熟的同事堅稱，呢度賣的asaki係假野，個味同佢地平時飲開的唔同 - 咁都唔奇既，asaki 賣$8蚊 (定$6呢，呢個point唔多記得tim) 一支咁平，都已經唔多尋常啦。 (我係青島/藍妹fan屎，我乜都唔知架，嘿~)
好！埋單位位$130，食到我最愛的墨魚滑真係滿足到呢.....
仲有，補充多句，呢度位阿姐會同你搭爹架！嘿嘿~我地見個電視做買樓節目，講開買樓，個阿姐都走黎搭左幾句爹....可能因為我地坐樓上，唔使俾老闆望實晒，阿姐都可以放d卦......
張貼