桔仔薄荷鴨屎茶
味道幾特別，桔仔鴨屎茶我都係第一次飲！每一啖都有微微薄荷味，清涼舒爽！
荔枝檸檬梳打
飲品底部有好多大大粒既荔枝肉，飲落荔枝味濃郁，仲有清新檸檬味，味道甜甜酸酸！
墨魚滑大蝦
炸過既墨魚滑大蝦，口感脆口彈牙，質感好好！沾上醬汁食就更好食！
牛舌、牛小排、牛肋肉串燒
牛舌都幾厚切又大塊。牛小排充滿油脂香味而牛肋肉牛味濃郁！兩款牛肉一啲都唔韌！
蟹粉日式豆腐
醬汁蟹粉味濃郁配上滑嫩炸豆腐，炸豆腐外脆內軟，一齊食真係回味無窮！
焦糖菠蘿鵝肝醬多士
多士烤得鬆脆，焦糖菠蘿味道甜甜酸酸，配埋鵝肝醬一齊食正好解膩！
豚肉荔枝卷
豚肉包住成粒荔枝，食落豚肉充滿荔枝香味！
麻糬豚肉卷
豚肉包住麻糬，口感煙煙韌韌，好得意！
豚肉牛油果卷
豚肉包住牛油果，質感軟腍腍，同麻糬豚肉卷有好大對比！
墨魚鬚
爽口彈牙，上面有泰式醬料，辣辣地咁惹味
免治雞肉棒(配日本蛋)
配埋蛋醬一齊食更滑嫩，更juicy!
蜜糖燒菠蘿
味道甜甜酸酸，好開胃又解膩!
咖哩牛舌手抓餅
手抓餅份量都多，沾上咖哩汁一齊食好惹味！牛舌都幾厚切，份量唔少，又入味！
港式蜜糖多士夾雪糕
依個一上菜一定要快啲食，多士微温超鬆脆，同又軟又凍凍既雪糕形成強烈對比！一冷一熱，果道又好食，口感又特別！
