北京樓 (太古城中心)

兩個人叫咗一隻片皮鴨，其實啲嘢食都唔錯，隻鴨燒得好香，醬料亦都好味，不過啲碗碟就不敢恭維。一坐低，隻碟已經有一浸油喺碟面，而碟底肥膩就不在話下，啲筷子同碗碟仲有剩餘渣宰，用消毒布抹完對筷子竟然係咖啡色! 究竟佢哋有冇洗乾淨啲筷子碗碟架？點解美心啲高層可以容許呢啲不能接受嘅事情發生？係咪你班高層喺屋企食飯慣咗啲筷子碗碟都係咁肥膩？你可以收返貴啲，但係做食巿點都會有條底線掛？係唔係冇人投訴就可以得過且過？真係去深圳食啲筷子碗碟都仲乾淨過你哋! 美心啲食市喺香港都算高級，我去金鐘同中環嗰兩間北京樓都ok，點解太古城呢間鋪搞成咁？