🥘 湯底:
揀咗「富婆鮑魚鍋」其實即係養生藥膳湯, 湯底落足紅棗、杞子、當歸, 滾起嚟聞落超香, 唔會太濃藥材味, 反而帶少少甜, 襯返之後落嘅牛肉同海鮮都幾夾。
🥩 肉類方面:
宮崎A5和牛油花勻稱, 輕輕一淥幾秒就食得, 入口即溶化, 牛味濃得嚟唔膩, 超掂 👍🏼
澳洲M9肓胛肉同加拿大牛板腱都切得夠薄, 口感軟嫩。封門柳有咬口, 牛味突出。北海道十勝牛肩胛眼肉捲係期間限定, 肉質柔軟得嚟帶少少嚼勁, 值得試。花雕雞件酒香入味, 煮耐少少都唔會肉質都唔會鞋。
🐟 海鮮:
亮點係鮮活鮑魚上枱仲識郁, 煮兩分鐘左右就食得, 爽彈鮮甜。廣島蠔大大隻飽滿, 蜆、花甲同青口都無沙。鮮蝦同墨魚仔夠新鮮, 黑魚片滑溜無骨。藤椒魚皮脆口帶麻香, 好啱送清酒。
仲有DIY奶茶Station, 多款茶底任你調配, 仲有部新鮮SMOOTHIE機。
套餐本身已經包自助區嘅蔬菜、丸類、飲品同雪糕, 款式多補充得快。以呢個價錢食到咁多款高質牛肉同海鮮性價比高。如果鍾意食牛同埋想試多款嘢，呢個套餐可以encore。
現凡追蹤牛品台式火鍋社交媒體平台, 仲即贈送「開心果奶綠」或「草莓益力多」一杯, 此優惠只限於晚市堂食享用。
1
9
44
1
