三河屋 (已結業)

又黎到紅磡 緊係要食下三河屋啦. 依間鋪相當有個性, 差唔多開足365日但係就2:30-6:00唔開鋪,原因我都唔係幾知入到入面,我今次點左個叉燒拉同蘿蔔.因為之前都黎左好多次,所以個嬸嬸一黎到就同我打招呼,個感覺好warm冇幾耐,拉面就到左啦.雖然拉面冇咩特別,但勝在冇味精!所以個湯底飲幾多都唔覺渴,加上叉燒份量都多,又半肥瘦 啖啖都有肉有脂肪, 最重要係唔貴! 所謂物超所值.之後蘿蔔都黎到, $5有拳頭咁大既蘿蔔 煮到入口既溶,再加上店入面既秘製湯底 真係唔覺得佢只係要$5 每次食我都連湯飲 食個乾淨總括黎講,三河屋食物既性價比十分高 去紅磡記得要試下