新麻蒲 BBQ (波斯富街) (已結業)

試過新麻浦同埋其他韓式燒肉（麻浦及達人燒肉），都係覺得新麻浦最好食！要點兩款肉以上先送前菜。前菜超多款式呀，一啲都唔頹，仲有得無限refill !有辣有唔辣，唔鍾意食辣嘅朋友可以食葉蘿蔔推介！泡菜都未至於好辣，另外有生菜salad, 啲菜係新鮮既，仲配左黑芝麻醬，十分特別！由於得兩個人食，所以只點了兩款肉。個碟雖然細，但都有好多塊肉！點了護心肉及香辣五花肉。兩款都好正！護心肉好juicy, 彈牙得黎唔會好un,包埋生菜食仲正！ 個五花肉係無葉既，但係配左香辣汁，起鐘意個汁，令到啲肉好野味又唔會好辣，同埋啲肉切到好薄，好快就熟而且好會燒到脆脆地，好正！！個爐邊蛋都係重點，超好食，啲蛋入面撈左啲泡菜碎，之前食過達人烤肉，佢個爐邊蛋係有得無限refill 但係無泡葉既。新麻浦呢個無得refill但係好食好多！另外值得一提既係服務態度好好！啲店員會教我地點整個蛋又會提我地幾時食得。燒五花肉同埋其他肉用個燒盤係唔同既，佢會主動走過黎幫我地換，佢見個盤燒到黑黑地又會過黎幫我地換，成既都換左3，4次，幾細心！值得一試再試既一間韓燒！