影片
更多
2014-04-12
2922 瀏覽
自從中環店關閉之後一直都冇機會試The Salted Pig，今次終於「的起心肝」早幾日上網book定位。店員非常盡責，喺當日早上再次打電話黎reconfirm。當晚現場所見全場滿座，如果冇book定訂枱的話絕對唔駛旨意可以walk-in！由於是晚一心為豬手而黎，所以決定黎個meaty feast全部叫既野食都係肉！Pulled Pock Cake ($78): 顧名思義即係豬肉餅，但係上枱既時候卻係一粒粒球形型狀。可能因為裏面全部都係用豬肉絲既關係，一咬落去既口感好似「痴立立」咁，有D似打邊爐煮唔熟既手打墨魚丸咁，有D奇怪！不過，個sauce都算非常惹味，而個皮都炸得非常香口，整體感覺非常特別，不過對於唔太鍾意試新野既我就只係一般！Rack of Ribs ($168): Ribs燒得非常juicy，而且非常容易切開，基本上一刀切落去就可以「骨肉分離」，一睇已經知道唔係下價貨cheap野。口感方面，由於用左個非常惹味既BBQ sauce關係，入口第一啖既感覺甜甜地之餘又帶少少酸，非常特別。值得一提既係配菜coleslaw，有D似昔日KFC既影子絕對冇因為喺香港而被localised。
Pulled Pock Cake ($78): 顧名思義即係豬肉餅，但係上枱既時候卻係一粒粒球形型狀。可能因為裏面全部都係用豬肉絲既關係，一咬落去既口感好似「痴立立」咁，有D似打邊爐煮唔熟既手打墨魚丸咁，有D奇怪！不過，個sauce都算非常惹味，而個皮都炸得非常香口，整體感覺非常特別，不過對於唔太鍾意試新野既我就只係一般！
Rack of Ribs ($168): Ribs燒得非常juicy，而且非常容易切開，基本上一刀切落去就可以「骨肉分離」，一睇已經知道唔係下價貨cheap野。口感方面，由於用左個非常惹味既BBQ sauce關係，入口第一啖既感覺甜甜地之餘又帶少少酸，非常特別。值得一提既係配菜coleslaw，有D似昔日KFC既影子絕對冇因為喺香港而被localised。配埋灑左BBQ 粉既薯條，一啖ribs一啖脆bob bob既fries口感好正！
Pork Knuckle ($278): 等左一陣主角豬手終於上枱。可能因為晚市人太多既關係上枱既時候已經切好晒，唔似以前中環午市既時候可以俾你「餵相機食先」再攞埋一邊同你「分屍」。Anyway，豬手一如以往做到個皮鬆脆之餘而裏面既肉卻非常juicy，值得一讚！雖然冇乜點用調味料，但咁樣反而可以帶出肉既鮮味，唔會被seasonsing喧賓奪主，遮晒肉應有既鮮味！至於配菜既紅蘿蔔同埋coleslaw方面一般般啦，個人黎講俾較鍾意食Ribs果款酸酸甜甜既多D！
Overall食物質素繼續唯持喺中上，成餐飯只係$200幾蚊一個人都算幾抵食！不過我覺得如果兩個人的話只係叫Pork Knuckle同埋Ribs已經夠晒飽。另外要留意呢度幾乎係全英語對白，雖然都有幾個ABC個樣似係識中文，但都要有心理準備expect佢地第一句必定同你講英文。
張貼
