最大問題係：伙記每一個態度都好差，問多句都反你白眼，喝你。
食飯覺得冷氣凍想轉位，又黑面串你，一路調位一路同其他伙記解釋：「佢話冷氣吹到佢痴根喎！」
我都有講唔好意思麻煩到佢地，但其實個位真係吹到頭痛⋯⋯⋯客人想調又有咩好鬧？！
仲要串我：「我都著短袖⋯⋯你有咁凍咩」心諗，咁做野緊係熱，點比較啊？！
可能環境又細，又嘈多人，又等得耐（起碼15-20分鐘先有一串野食），次次去食都搞到心情差⋯
即使佢食物OK，都唔知再幫唔幫襯好
入去俾錢俾人鬧咁！
要頂得順港式服務態度+ 忍受等好耐，你先好食～～
