影片
更多
2022-11-14
778 瀏覽
我喺荃灣返工成日都經過悅來酒店，間唔中都有上去佢哋嘅30樓殷悅度飲茶。見到佢哋重開之後有個下午茶自助餐，今個禮拜就去試吓啦!今次佢哋做緊第二位半價promotion啊!我就約咗個朋友去試吓。非常之有驚喜!佢哋由2:30到7:00， 120分鐘下午茶。咁我哋大約就4:30到。都好多人一家大細三五知己。點解我哋咁晏去，因為我哋可以當埋晚飯，咁食食飽個肚慳返餐!都有好多唔同嘅特別嘢食啦!喇沙麵，雲吞麵，西多士，德國豬手，啤酒雞，家鄉雞絲銀針粉，特色沙律。甜品方面都有好多款Mango Panna Cotta，蘋果烏龍茶海綿蛋糕，法式Crepes，抹茶紅豆麻糬慕斯蛋糕，Tiramisu佢個afternoon Tea仲會俾個Tea Stand自己揀自己執跟住自己打卡。最特別嘅係佢哋個雪糕檔10幾款唔同味嘅雪糕，有啲好特別嘅味道不妨一試有陳皮紅豆，益力多，芋頭，南瓜，芝麻等等!好多味道出邊都未必有。嘢飲方面就每人一杯，我就飲咗杯港式奶茶，拍得住出面茶記嘅奶茶，好滑好濃!好得意，佢哋會隔個鐘就會有人出嚟派啲特別嘅嘢食俾我哋。我食咗個熊貓蓮蓉包，棉花糖同埋食咗個Creme Brulee!Service唔
非常之有驚喜!佢哋由2:30到7:00， 120分鐘下午茶。咁我哋大約就4:30到。都好多人一家大細三五知己。點解我哋咁晏去，因為我哋可以當埋晚飯，咁食食飽個肚慳返餐!
都有好多唔同嘅特別嘢食啦!喇沙麵，雲吞麵，西多士，德國豬手，啤酒雞，家鄉雞絲銀針粉，特色沙律。
甜品方面都有好多款Mango Panna Cotta，蘋果烏龍茶海綿蛋糕，法式Crepes，抹茶紅豆麻糬慕斯蛋糕，Tiramisu佢個afternoon Tea仲會俾個Tea Stand自己揀自己執跟住自己打卡。最特別嘅係佢哋個雪糕檔10幾款唔同味嘅雪糕，有啲好特別嘅味道不妨一試有陳皮紅豆，益力多，芋頭，南瓜，芝麻等等!好多味道出邊都未必有。
嘢飲方面就每人一杯，我就飲咗杯港式奶茶，拍得住出面茶記嘅奶茶，好滑好濃!
好得意，佢哋會隔個鐘就會有人出嚟派啲特別嘅嘢食俾我哋。我食咗個熊貓蓮蓉包，棉花糖同埋食咗個Creme Brulee!
Service唔差，廚房師傅又會幫你夾吓餸又會問你幾句攞下意見，又有人幫你影吓相算唔差!
佢哋個Centre piece有幾特別。見到好多細路仔行過去影相
出面個餅櫃同雪糕櫃都做緊好多唔同promotion。
睇吓幾時約埋朋友同埋嗰啲仔仔女女再嚟食過先!!!
張貼
