初芋 (已結業)

呢日下午經過旺角見到間新開嘅甜品舖初芋，作為甜品控嘅我馬上入去啦！甜品舖裡面裝飾設計用咗粉紫色，仲用咗好多鏡同埋白色作為襯托，彷彿置身於童話公主嘅國度。我哋首先要咗個暖笠笠重量級火鍋， 火鍋嘅配料好豐富，有水晶凍粉，蘆薈， 紫米， 芋泥，桃膠同埋紅豆，六色芋圓 。芋圓好新鮮，有綠色，粉紅色，黃色等等，食得出果蓉味道，好煙韌。再加上一個透明茶杯裝住嘅椰皇鮮奶露淋係上面 ，配合埋火鍋盤裡面爽脆嘅水晶凍粉，蘆薈，軟軟嘅紅豆同芋圓，紫米等一齊食，暖暖地感覺到既滋潤又有咬口。火鍋盤嘅中間放咗乾冰，就好似有陣陣嘅仙氣飄嚟飄去一樣，非常夢幻。 重量級冰極芋圓火窩系列, 7色芋圓及多款配料。紅莓谷用3.6日本牛奶製成嘅綿綿冰， 有少少草莓同埋草莓脆脆脆喺綿綿冰旁邊，底下係草莓味嘅布甸。性感魷墨如果想食啲鹹味嘅小食，我會推薦呢款，又有魷魚又有墨魚， 香辣口味，加上椰菜。