麺処一家餐牌上只有濃厚豚骨魚介醬油拉麵，揀咗價錢最高即係最多料嘅料理長の選択，另外加咗隻溏心蛋。湯底非常濃郁但唔會太鹹，而且湯底溫度好夠熱！幼身麵好滑柔軟度適中。肉類有兩款，分別係慢煮豬肩肉同埋燒腩肉。
慢煮豬肩肉於拉麵出現都幾特別，口感好嫩豬肉味夠出。
而豬腩肉就燒到有焦香，偏油膩充滿油香。有驚喜係隻溏心蛋非常香甜，醬油味充足蛋黃熟得剛剛好，絕對值得加！
仲有個替玉份量超大，我相信至少有3／4個拉麵size，價錢只係$18，令人驚訝！因為太好食想快啲食埋個替玉無影到相，但要再講多次，真係好大份！
