陶源酒家 (已結業)

最近真係飲左好多餐茶…一向都會㨁車黎陶源飲茶既，之前食物水準都頗穩定，所以遠少少都唔介意~ 不過試過有一次做得好差，所以有一段時間唔幫襯~ 今日心血來潮又返黎…帶子腸粉 - 以前既帶子腸粉比較好食，因為而家既帶子變得好細粒，不過仍然鮮味，腸粉拉得唔錯，豉油都幾靚，淡淡既鮮味~蘿蔔糕 - 今次蘿蔔糕唔太岩口味，之前佢做得削，好多蘿蔔絲又濃濃既蘿蔔味，今日就太多粉，實的的咁…就算味道同餡料好都唔係我杯茶…翡翠菜苗餃 - 呢樣唔錯，有少少蝦仁同多多菜苗，略嫌皮太厚，但不失好味~鴛鴦流沙包 - 唔流沙，唔夠熱，味道淡左好…鮑汁鳳爪 - 仍然好味，一碟有好多隻鳳爪，不過有D甩皮甩骨…陶源蜜汁叉燒包 - 呢樣就真係大大既失望，今日既包不及以前既鬆軟，餡料亦唔夠豐富，叉燒包曾經係呢間酒家既排行榜第一位……今日連個排行榜都冇埋lu~薏米瘦肉粥 - 夠熱喇~~ 好淡…菜乾豬骨粥好味D~咸肉粽 - 都退步喇… 可能健康理由，得返一大堆瘦肉，少少肥豬油香都冇…唔鍾意~整體上我覺得退步左好多，以前做得好既都唔見哂~ 同埋D野食唔熱係佢地既傳菜運作有問題: 傳茶員托住熱辣辣既食物出黎，放係張檯仔到…之後侍應再按