Just Café (已結業)

呢間書店嘅附設咖啡館，要行上3樓，地方簡約設計，喜歡淺木主調，有落地玻璃，可以望住街嘆咖啡！店內寧靜！餐牌有傳統咖啡，亦有特色咖啡！款式都幾多！在櫃檯落單比錢後，店員叫我哋坐低等，咖啡逐杯出，要有耐性！日本沖繩黑糖熱鮮奶咖啡（$45）玻璃杯，拉花好靚，面頭灑上黑糖，唔再加糖飲，熱度剛好入到口，咖啡順滑易入口，唔會苦，好味！Cuppucino($38)朋友飲！FLAT WHITE($40)朋友飲！店員有禮斯文，加上對咖啡好有認識，會講解店內咖啡由3種地方嘅咖啡溝埋，味道平衡！咖啡易入口！喜歡呢種優閒嘆世界嘅感覺廁所要攞鎖鑰去書店另一邊，乾淨企理！