甜牙牙 (已結業)

食完飯有點意猶未盡，同友人去到甜品店繼續吹水。來到甜牙牙，好耐之前食過屯門分店，記憶所及，當時的老闆態度不太好，尖沙咀店看來好多了，女侍應很有禮貌。店內不大，但原來可直通後面的商場走廊，坐在最後的枱子，都幾濶落。每人最低消費一款甜品，自己選了雜莓，朋友選了香蕉。雜莓可麗餅 $62賣相很吸睛，可麗餅即叫即整的，上枱時還是微溫，而且很香蛋漿味。雜莓酸酸的，加埋朱古力醬很夾，雪糕球用上movenpick，酸，但很香滑，整體感覺不錯。三式蕉焗杏仁片片窩夫 $60朋友係香蕉fans，去到邊都一定係揀香蕉口味，是晚呢個蕉蕉甜品啱哂佢。不過三式蕉係邊三式呢？只見香蕉片同焦糖香蕉片，甜甜的幾正。窩夫鬆脆，蛋漿香甜，同樣不錯。吹住水時間過得特別快，又係時候埋單聽日見了。