皇玥 (已結業)

呢幾年中秋都會買皇玥既月餅食，前兩日返舊公司探同事經過店舖，決定喺度買野食同舊同事開心share~店舖光猛舒服，貨品排列整齊，店員亦好nice👍🏻各種食品味道選擇唔少，最後揀咗牛油脆曲奇精裝禮盒同番茄薄脆精裝禮盒。牛油曲奇係獨立包裝，方便衞生。一撕開包裝袋，就聞到陣陣牛油味，不過食落又唔會太油，感覺健康。至於番茄薄脆精裝禮盒就係一盒兩袋，每袋有六、七塊左右。開袋之後未食已經有香濃番茄味。初時以為味道偏酸，冇諗過食落又唔會wor，值得一試！