曜 (已結業)

位於銅鑼灣永光中心既呢間日本菜裝潢以武士為主題，提供比較少見既割烹料理，最特別係可以按預算要求再設定菜單，完全係為客人度身訂造既用餐體驗。♙ 竈 — 十五品 $880 ﹆ 先付𖦹 花膠果凍以武士造型器皿上枱，花膠凍晶瑩剔透，配上酸梅汁蕃茄，清新冰涼。﹆ 刺身四點𖦹 中拖羅 𖦹 池魚 𖦹 蝶魚 𖦹 金目鯛拖羅入口即溶，完全無筋；池魚魚味濃郁，肉質嫩滑；蝶魚捲左海膽，伴上飛魚子同吃層次豐富，海膽非常鮮甜；金目鯛經炙燒後充滿油脂香氣，邊位香脆。﹆ 熱食三品𖦹 醬燒吞拿魚面頰肉魚面肉燒至五成熟，肉質嫩滑，入口即溶，驚艷之作。𖦹 海老丸野菜煮自家手打蝦丸入口爽彈，配上清甜無渣既日本大根，以松葉蟹絲作點綴。𖦹 蟹黃茶碗蒸加入大閘蟹黃、松葉蟹肉既茶碗蒸格外鮮甜，同時以栗子蓉作配料增加口感。﹆壽司五點𖦹 黑鯥 𖦹 赤蝦 𖦹 鯖魚 𖦹 銀鱈魚 𖦹 蝶魚五款壽司各有特色，個人最喜歡爽甜既赤蝦。﹆ 止椀𖦹 鯛魚湯湯頭呈奶白色，鮮味十足。﹆ 水物𖦹 菠蘿雪糕 𖦹 益力多雪糕 前者酸甜清爽，後者香濃幼滑。