栢檔去骨海南雞飯 (已結業)

光顧過好幾次，每次都不會失望。食物選擇不多，但勝在貴精不貴多。唯一係店面不大，坐位不多，而且只有面壁吧枱位同幾張長枱要同陌生人坐埋一齊食飯。不過食哩啲碟頭客飯都係快快食完就走，唔會坐好耐談心吧，所以都無乜所謂啦。今次叫咗一個海南雞飯套餐同元蹄飯餐。套餐包一個碗或飲品同有多碟菜，飯可以揀油飯或白飯。套餐都係各62蚊，一個人食絕對夠飽。海南雞嫩滑到連雞胸都係滑溜無渣，元蹄入味鬆軟，豬皮彈牙膠質重。不是湯怪的我，每次嚟都會揀飲湯，全因料足好味無味精。不是無得揀，每次都係得一種南瓜湯。間唔中就要返嚟食，惦記著碟滑溜海南雞，上癮一樣。