七輪燒肉 (已結業)

好耐之前已經bookmark好呢一間餐廳，終於試到！齋睇個Menu已經覺得眼花撩亂，好多野想食！餐廳亦都好細心，除咗一般用餐用具之外，亦提供即棄圍裙！唔覺好窩心又方便！頭盤我哋叫咗個魚生沙律！魚生同菜都好新鮮，想酸酸地嘅沙津汁，入口好開胃，感覺好清新！我哋三個女仔唔想齋食肉咁heavy，呢度亦提供少少海鮮嘅選擇！叫咗個蟹腳，蟹味10分濃郁！好食又唔係度度都食到！正！豬腩肉都好好味，油脂分布好均勻！豬腩肉被小小黑椒醃過，但亦保留豬嘅鮮味！翠玉瓜同埋粟米都好新鮮甜美，一邊食肉，一邊食啲蔬果感覺冇咁膩！支豆用少少鹽調味，脆卜卜！我哋今餐嘅重點係呢個黑毛和牛組合！入面包括有極級牛肋肉、和牛胸腹肉同黑毛和牛臉頰肉！價錢都只係238肉質一d都唔韌，油脂分布好均勻，牛味亦濃！大家對呢個都十分之滿意！我哋叫咗個廣島蠔清酒燒！好執好鮮味好豐富！食落去蠔肉好厚！用剩左嘅蠔汁我哋自創用嚟燒金菇，令到金菇大有份外嘅鮮味！驚喜今餐日式燒肉完全令我哋一啲無失望！仲好驚喜！不過如果地點就腳啲就好了！