🍝 自家製忌廉磨菇捲捲意粉配口水雞扒
意粉口感彈牙，忌廉磨菇醬汁濃郁creamy，捲捲形狀掛汁力強💯。口水雞扒係驚喜位！雞肉嫩滑，麻辣醬汁香而不嗆，中西合璧嘅配搭意外地夾，值得一試👍。
🧊 Ice Toffee Latte
焦糖醬嘅甜香同咖啡嘅甘醇平衡得剛好，奶泡綿密，冰涼清爽，係夏日解膩首選❄️。
🥩 慢煮牛柳配芝士薯蓉
牛柳慢煮火候精準，肉質粉嫩軟腍，肉汁鎖得住👏。芝士薯蓉綿滑濃郁，沾上牛柳汁更惹味，係滿足感爆燈嘅主菜💥。
🍔 手打牛肉及大啡菇漢堡配薯條
手打牛肉漢堡扒厚身多汁，大啡菇烤得香腍，加上半溶芝士同新鮮蔬菜，口感豐富🌈。薯條即炸脆身，唔會油膩，抵讚！🔥
🧇 朱古力麻糬窩夫配朱古力雪糕
窩夫外脆內軟，中間夾住煙韌麻糬，層次感十足💫。配埋濃郁嘅朱古力雪糕同朱古力醬，邪惡但幸福，甜品控必點😍。
Black Coffee食物質素穩定有心思，尤其欣賞佢哋將創意融入經典菜式🎨。環境舒適，價錢中上，適合同朋友慢活聚餐。會再encore！💯
