牛霸小麵店 (已結業)

收工同事帶路食新嘢，今次嚟到灣仔暗巷呢間隱世台式餐廳試試。餐廳用scan QR code嚟落單，環保慳紙。魚酥皮蛋豆腐 - 表面灑上大量木魚碎及淋上醬汁，皮蛋食落味道酸酸鹹鹹。豆腐應該係用百福牌，豆味濃郁。蕃茄牛肉麵 - 牛肉炆得好腍好入味，湯底加咗酸菜，而麵就韌韌地，有口感。滷肉鹽酥雞便當 - 鹽酥雞塊外酥內軟，雞肉肉質嫩滑，滷肉汁味道合格有餘。八寶芋圓冰 - 一開始食味道太甜，要整碎啲冰溝淡去，味道先啱啱好。支匙羹成枝冰剷咁，成件事好夾。