亞萊嘜嘜 (已結業)

依間餐廳都近近地鐵站，環境休閒坐位舒服，唔會話迫住坐咁，食物份量又多，好啱成班人一齊聚會，襯聖誕去食火鍋暖下聚下都正阿，果日見到好幾班人聚會成抬野食，好幸福。泰式羊腩咖哩煲：羊味道上冇咩蘇味，甚至食落都唔覺似羊肉，好香又夠入味，肉質上好咬口，熟度合適，我就覺得幾好食。太陽蝦餅：好大份，原本以為會好濟，但食落唔會話好濟肚🤣味道反而甜甜地幾清新，我自己一個不知不覺就食咗好幾塊。百鳥歸巢：入邊有雞肉辣椒同埋腰果，我就幾鍾意食，因為味道好入味蕾，辣辣地酸酸甜甜，而且個鳥巢係食得，底部放有芥蘭菜葉，食落似紫菜，好有驚喜，好似成盤都食得咁。冬陰公海鮮雜錦火鍋：份量好足，有好多唔同種類嘅海鮮，而且海鮮很新鮮，唔會有魚腥味，冬陰公湯底味道入味，係心目中既味道，有少少偏辣，抵食！原隻泰式香茅燒雞：睇住佢係我哋面前燒，暖笠笠好過癮，燒熟之後可以揀就咁用手自己食，或者叫廚房幫我地切開，咁我哋就切開食，另外配一個甜酸醬，味道不過不失，都幾好。芒果沙冰：呢款芒果甜甜地，大眾好易接受，不過可惜冇芒草肉，但也不錯。橄子沙冰：椰汁都係偏甜，但味道都唔錯啊，我自己都飲得晒。