有錢佬靚粥 (已結業)

暖笠笠砂鍋粥🍲尋日經過開筲箕灣，天氣凍諗住食安利暖吓胃，點知冇開，唯有搵其他嘢食。行行下見到有間粥舖，見佢啲poster有砂鍋粥食，合晒合尺！坐低研究咗一陣，決定嗌個招牌粥試吓(個menu度有個皇冠推薦，應該靠得往掛😅）等咗幾分鐘，煲粥就到了，打開煲蓋，個粥仲滾緊，正！！立即試一試，第一啖已經愛上！😍粥底好重瑤柱味，有嚿排骨肉，重真係有粒乾瑤柱！睇嚟都幾足料！米粒煲到起晒花，好綿好香濃，欲擺不能，一吃到底！食完成身暧笠笠。估唔到舖仔細細都有咁嘅水準，唔錯！下次會試吓佢個鮑魚粥、睇吓係咪一樣真材實料！🤔