29
2
1
等級3
52
3
已經隔咗3-4年冇嚟過喇。最近經常諗起呢間餐廳,於是11月份就開始訂位。不過,由於素苗只開星期五、六、日的夜晚,而訂位係以過戶$500訂金為準,所以拖下拖下,到俾埋訂金後,11月的訂位已滿。最後,我哋揀咗平安夜,嚟呢度預祝聖誕係一個好選擇,因為可以帶埋狗狗嚟,超開心!同以前一樣,送上食物後由老閭娘負責介紹,不過可能平安夜多人,所以都漏咗介紹其中一樣,加上食材實在太豐富,所以下要寫的食材我亦只係盡記咋。。。先嚟係welcome drink:蘋果玉竹淮山薏米班蘭水,2人1jar,應該有1-1.5公升,夠由開始飲到食完餐飯。飲品足料,非常清甜滋潤,令喉嚨好舒服。飲品係keep住加熱,所以冬天不停有溫熱的飲品供應係好窩心既~~我同狗狗爸爸覺得飲品有少少過甜,呢個可能係我哋兩個的口味而已,如果有得少甜就仲正!前菜係香煎山藥同巨型羊肚菌。山藥煎到好香,上面搽咗鴨腳木本地蜜糖(花蜜),不過唔係太濃味,可以先食。巨型羊肚菌有少少鹹香,好味。接住係湯 - 陳皮西洋菜湯配桂圓百里香手工麵包。湯好濃稠,濃濃的西洋菜味,熱度又剛剛好,唔會「辣」口,好鍾意飲。桂圓百里香手工麵包係純手工製作,原味,味道同一般麵包
更多
已經隔咗3-4年冇嚟過喇
。最近經常諗起呢間餐廳,於是11月份就開始訂位。不過,由於素苗只開星期五、六、日的夜晚,而訂位係以過戶$500訂金為準,所以拖下拖下,到俾埋訂金後,11月的訂位已滿。最後,我哋揀咗平安夜,嚟呢度預祝聖誕係一個好選擇,因為可以帶埋狗狗嚟
,超開心!

7 瀏覽
0 讚好
0 留言

同以前一樣,送上食物後由老閭娘負責介紹,不過可能平安夜多人,所以都漏咗介紹其中一樣,加上食材實在太豐富,所以下要寫的食材我亦只係盡記咋。。。


先嚟係welcome drink:蘋果玉竹淮山薏米班蘭水,2人1jar,應該有1-1.5公升,夠由開始飲到食完餐飯
。飲品足料,非常清甜滋潤,令喉嚨好舒服。飲品係keep住加熱,所以冬天不停有溫熱的飲品供應係好窩心既
~~我同狗狗爸爸覺得飲品有少少過甜,呢個可能係我哋兩個的口味而已,如果有得少甜就仲正!

蘋果玉竹淮山薏米班蘭水
5 瀏覽
0 讚好
0 留言

前菜係香煎山藥同巨型羊肚菌。山藥煎到好香,上面搽咗鴨腳木本地蜜糖(花蜜),不過唔係太濃味,可以先食。巨型羊肚菌有少少鹹香,好味

香煎山藥+巨型羊肚菌
8 瀏覽
0 讚好
0 留言

接住係湯 - 陳皮西洋菜湯配桂圓百里香手工麵包。湯好濃稠,濃濃的西洋菜味,熱度又剛剛好,唔會「辣」口,好鍾意飲
。桂圓百里香手工麵包係純手工製作,原味,味道同一般麵包比會較淡,但就肯定健康啲,同埋配湯好夾架

陳皮西洋菜湯、桂圓百里香手工麵包
5 瀏覽
0 讚好
0 留言

陳皮西洋菜湯
4 瀏覽
0 讚好
0 留言

桂圓百里香手工麵包
6 瀏覽
0 讚好
0 留言

喺開餐冇耐,老闆娘就到每一檯問大家食唔食榴槤,而榴槤係會用嚟做沙律醬,唔食榴槤的就唔會加入去。個雜果沙律好豐富,配料太多,不能盡錄,而沙律醬就係熱情果榴槤醬(又或者係熱情果醬),沙律面頭有一塊炸羽衣甘藍。雖然狗狗爸爸唔喜歡榴槤,但由於我果碟個榴槤醬都唔係太大陣味,所以就算有人對榴槤味好抗拒,都唔使太擔心或彈開
。個沙律食材勁多,每樣貴精不貴多,好滿足
食完個沙律,都8-9成飽~~

熱情果榴槤醬雜果沙律
5 瀏覽
0 讚好
0 留言

主菜係芝士蘑菇粟子批、蕃茄貝殼通粉同黑松露藜麥牛油果。一睇就知多材料,蕃茄貝殼通粉個醬好夠味,好好食。芝士蘑菇粟子批非常香口、酥脆,蘑菇好美味,而且冬天食覺得好warm 。我最後先食黑松露藜麥牛油果,佢有少少似warm salad,細細份,建議可最早食,因為食完前兩者,我覺得佢淡味咗啲,而且相對欠咗少少特色。
芝士蘑菇粟子批+蕃茄通粉+黑松露藜麥牛油果
3 瀏覽
0 讚好
0 留言

芝士蘑菇粟子批+蕃茄通粉+黑松露藜麥牛油果
7 瀏覽
0 讚好
0 留言

當食到八八九九時,老闆娘開始介紹甜品甜品係另計,$70/份。當晚提供4款甜品,如果我冇記錯,佢哋分別係紅酒煮啤梨、無糖雜果雪芭、玉桂蘋果卷同埋朱古力杏仁蛋糕。我哋點咗朱古力杏仁蛋糕。蛋糕賣相好靚,同無糖雜果雪芭一樣未食已令人好想食(我哋冇點,但因為有其他食客點唔同甜品,所以都見曬全部)。呢個蛋糕的質感唔似出面的蛋糕,唔識形容,但幾特別,出面食唔到。蛋糕少甜,所以雖然係朱古力,但唔會感覺heavy。同埋佢份量唔細,2個人share嚟食冇問題。

朱古力杏仁蛋糕
4 瀏覽
0 讚好
0 留言

另外,老闆娘話天氣冷,所以特別為大家煮咗印度香料奶茶。大煲奶茶喺火堆度煮熱再逐檯斟俾大家。飲品香料味重,暖笠笠,同樣都係甜的飲品,我哋都覺得甜咗少少,不過好好飲,所以有encore!

印度香料奶茶
4 瀏覽
0 讚好
0 留言

好鍾意嚟呢度食嘢,一嚟食物健康、豐富,二嚟少調味,基本上每道菜我都可以俾狗狗試下,而狗狗都勁鍾意食。我之前2次嚟都係夏天,今次係入冬後,凍啲嚟呢度餐廳會喺戶外位置起火堆,食食下趁冇人走出去圍爐取暖,覺得勁有氣氛,好溫馨~
呢度係pet friendly,狗狗或各類寵物都無任歡迎(老闆娘話有客人帶過鸚鵡同小豬嚟)。另外,雖然係fully booked而我哋係要同人「搭檯」,不過所謂「搭檯」係喺一張接駁成大長檯的兩端,非常有私人空間。我記得前2次嚟,上菜好似慢啲,都要食3-4小時,不過今次上菜節奏比較快,如果唔另加甜品,大約係食1.5小時左右,所以就算住得遠啲,都可以嚟試下
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2022-12-24
用餐途徑
堂食
人均消費
$385 (晚餐)
慶祝紀念
平安夜
推介美食
蘋果玉竹淮山薏米班蘭水
香煎山藥+巨型羊肚菌
陳皮西洋菜湯
桂圓百里香手工麵包
熱情果榴槤醬雜果沙律
芝士蘑菇粟子批+蕃茄通粉+黑松露藜麥牛油果
芝士蘑菇粟子批+蕃茄通粉+黑松露藜麥牛油果
印度香料奶茶