抹茶館 (已結業)

今晚同媽咪出街食飯，出面天寒地凍，梗係要食個飽暖一暖身。我地去左康怡廣場個邊既抹茶館食，睇完menu就叫左兩個晚市定食。兩個定食都有白飯一碗，蔬菜湯一碗，蕨餅(2塊)，配菜(不定時既，今次係蕃加，豆腐同埋芽菜)。個兩個定食分別係豚肉生薑定食 (HKD 89) 配熱柚子茶和吉列海鮮定食 (HKD 89，有2隻炸蝦，2塊炸魚，1個炸蠔)配熱綠茶。個豚肉都幾大件，味道尚可，白飯都算大碗，配菜都算新鮮。最欣賞既係個蕨餅，甜甜地，唔錯既飯後甜品。個蔬菜湯都算清甜，味道不過不失。個柚子茶都幾好飲，唔會太甜。至於個吉列海鮮既炸物略為乾身，加埋啲檸檬汁個味道都還可以。個綠茶有啲唔同，係因為甜甜地既，幾特別。