金記冰室 (屯門時代廣場北翼) (已結業)

今晚係千色買完野，就係商場地下呢間金記食個簡單晚餐，晚餐有好多選擇。無骨海南雞飯套餐 (配油飯跟餐湯)、加配：白灼菜心雞肉嫩滑，全部起哂骨，食得好方便。飯可選白飯或油飯，油飯好香好入味。鐵板蘋果豬扒 (跟薯菜、餐湯)豬扒外皮炸過，肉質軟熟，蘋果亦煮過，有好香肉桂味。可選鐵板上或碟上。加$10可以轉冬季限定特飲黑糖生薑桃膠茶今日天氣咁凍，飲呢杯就黑糖生薑就最暖身，黑糖好香，生薑味濃，桃膠好大粒。桂圓紅棗桃膠茶呢杯亦都好滋潤，好足料，有好多圓肉、紅棗、杞子、桃膠。