一芳台灣水果茶 (太古城中心) (已結業)

平時飲開水果茶同埋冬瓜茶，有一排冇飲啦！經過見到大甲芋頭西米露，即刻想飲，平時我好鍾意食芋頭，可惜冇人識欣賞，要整一大煲又唔想，呢個份量啱啱好！選用台灣靚芋頭，煮出嚟特別香，我揀咗熱飲，店員好細心，整到剛剛入口嘅溫度，非常好味，呢一款大夾芋頭西米露甜度同埋冰島都係固定嘅而且size只有M, 有熱飲或凍飲比大家選擇，個人意見覺得西米露選擇熱會好味啲，可以食到甜品應該有嘅味道。另外佢仲有個新出品紅豆西米露同埋紅豆沙冰，呢兩款下次都要再試！