大喜屋 (已結業)

喺尖沙咀嚟呢間餐廳食放題好方便，尖沙咀地鐵A2出口上左地面之後行去彌敦道方向嘅Giodiano隔離就到，落雨都唔怕會淋雨，跟著電梯5字就到，話時話，呢間餐廳雖然好多人，但我地好快就安排就坐了。坐下來之後發覺都幾開揚，可以望見對面嘅清真寺同埋九龍公園啲老榕樹，夠光猛開掦。呢度落單好容易，由A至丁J整齊排列順序各種美食，看圖識字，另外仲有甜點及特飲，悉隨尊便，最緊要記得寫番自己嘅枱號同人數， 我最喜歡呢度嘅沖繩黑糖網燒牛肉，切得夠薄之餘又半生熟，啱我口味。呢度嘅鹽燒牛舌都幾好味道，上枱時仲熱辣辣。仲有西京燒海黃花，野味之餘仲夠香口。記得佢地除左甜品紙之外仲有額外嘅雪榚，今日喺軟雪榚，有牛奶味丶芝麻味同埋牛奶芝麻味兩溝。