泰基隆

營業中

休息中

同男朋友撐枱腳，佢話嗰條街多咗好多餐廳所以拉我去食。一入到去右手邊見到泰國嘅佛像，一條細小嘅走廊，入到鋪入邊都幾大，光猛，乾淨。我哋都算早過去所以冇乜人。坐咗喺左手邊靠牆嘅四人枱。我哋叫咗海南雞飯，馬拉盞炒通菜，沙嗲串燒，同一罐可樂。海南雞飯啲雞都幾滑，但係冇乜雞味，男朋友話啲飯見到有白色嘅米唔合格，我食到有一舊雞有骨，可能係靠近軟骨位所以佢哋冇發現。附送嘅嗰個節瓜湯都幾甜。馬拉盞炒通菜有啲辣，但係幾惹味，出邊街多數馬拉盞都會有過鹹，佢就啱啱好。串燒叫咗豬/牛/雞各兩串，串燒配嘅嗰個沙嗲醬為串燒加咗分，食到粒粒嘅花生，牛就係醃左嘅，串燒黎講我就麻麻地。服務質素唔錯。