101肉燥飯專門店 (河傍街) (已結業)

普通，飽肚，廉宜其實聽過呢間肉燥飯好耐，不過成日覺得佢個門面就好似貢茶咁樣樣。咁岩起巴倫紐睇完戲，唔想週圍搵野食，又好肚餓，直接過左對面。等左大概5分鐘左右，叫有個肉燥飯加一個芝士麵。飯既份量唔錯，汁夠，起碼撈勻到所有白飯，肉燥其實係肉碎撈冬菇，還可以。但個人希望香港真係有一間好似台灣咁，用豬腩肉做肉碎既肉燥飯。芝士撈公個汁都夠，可以接受。總括來講，想快包肚，平，份量夠，學生哥，都係不錯選擇，好似中學食發發咁。不過對於講求質素既食家，不建議去。