松記糖水店 (已結業)

唔好比太大期望，只係普通街邊糖水鋪質素，不過不失咁。我要咗雪糕紫米露，都算足料唔會太稀唔會大硬，配一球曲奇雪糕同椰汁都幾好食。朋友叫咗杯密瓜滑冰，飲落好香新鮮密瓜味，但食唔到冰沙嘅口感。朋友話杯嘢啲冰融咗仲好飲啲。另外我哋仲share咗個木糠布甸，本來要檸檬芝士脆脆木布但上咗咖啡味。食咗第一啖發覺有咖啡味但都無為意，個侍應唔知係咪聽到過咗陣先行過嚟話改單。我仲以為佢會換番，點知只係改番價錢 。個布甸好硬，夾硬切就碎哂，朋友懷疑佢係雪得耐實哂。事實上食到尾佢解咗凍先食到少少布甸嘅口感。整體嚟講真係麻麻。