東大門韓國料理 (已結業)

今次約左班中學同學出黎聚舊，想燒野食又怕戶外好熱，於是揀左呢間韓燒。之前未試過，係朋友推介之下再加上近地鐵站下，於是揀左呢間韓燒。好彩有訂位，一入到餐廳發覺有好多人等緊位，門口仲要好逼，可以用埋身肉搏形容！不入入面環境就唔錯既，坐落都算舒服。特別既一點呢間韓燒同平時食開果Ｄ唔同，呢間係用紙落單，其他熟食/糖水/汽水先係自助。熟食種類都幾多，有雞翼/春卷/壽司同埋類似雞球既物體。味道食落唔差既，不過春卷同雞翼明顯擺左好耐，擺到硬晒，完全唔脆。類似雞球既物體食落味道幾好但凍左，同埋拆出面塊葉都幾麻煩(吉得好實)。肉類或者其他要燒既食物（蝦），種類都叫做夠，最基本果Ｄ都起碼一定有左先。但味道就一般啦，醃得唔夠，所以無咩味。但係豬頸肉就值得推介，味道高質兼爽口！除左汽水任飲之外，仲有糖水可以食，例如紅豆沙同Jelly。紅豆沙好好味，專登行左幾轉去拎。但係Jelly就硬到一個點，拎左幾粒，食左第一粒就無食落去。Overall 味道不過不失，可以更好囉。員工態度幾Nice，快手快腳，同埋落完Order之後d野食都幾快送到。環境唔差，坐落叫做舒服先。