水門雞飯 (百宜樓) (已結業)

要喺元朗獨立國做泰國菜同日本菜一啲都唔容易。太多對手，是但入一間水準都唔會差得去邊。呢間餐廳開咗一排，試下個午餐先。餐單上選擇頗多，偏向泰國大排檔及food court feel。鎮店之寶水門雞飯，有風味但係都唔夠滑溜細緻。湯品太大胡椒味，雞肉太大塊，可能偏向遷就香港市場。脆炸蝦球，出奇預料又幾好，唔太油膩又脆卜卜。泰式辣雞絲湯粉，真係冇乜特別，普通到唔普通！食物唔差，但係就一定唔係叫『好食』。會唔會再食？唔會囉。。。。