桃花源小廚 (已結業)

環境裝修有點特色，窗邊望住小小景都幾舒服。涼菜點咗海哲，黃瓜，黑松露菇。海哲爽口，調味不夠。黃瓜脆口，咸咸酸酸。黑松露味淡，菇唔入味。炒腸粉普通，醬油唔香。蘿蔔糕係綿身那種，配料較少。咖哩魷魚夠大份，咖哩不錯，魷魚彈牙但未夠入味。燒賣麻麻地。叉燒包攞上手幾有重量㗎，個包就乾身同實在，叉燒餡正常。燒味雙拼，燒腩仔切到骰仔咁嘅大細好可愛，皮脆肉香唔會柴，豉油雞不錯。魚蓉粥煲得好綿，淡淡魚香，吃著很舒服。