名棧拉麵小籠包 (已結業)

三個人食lunch, 老公鐘意食上海野， 見呢間都幾多客仔， 諗住唔會伏， 一於試下啦。 店舖細細已經滿座， 職員係門外開左張枱仔俾我地坐， 好彩商場走廊算闊， 都算坐得鬆動。叫左三樣野， 東坡肉湯麵最快到， 一睇就覺得同相片差好遠， 黎既根本唔係東坡肉， 而係腩肉， 個汁都唔對版， 明明東坡肉汁係紅紅地色， 佢舊腩肉完全係鼓油蠔油煮出黎既顏色， 成碗麵其實應該叫做梅菜蚊腩肉湯麵。 味道正正常常， 只是與預期不符。糖醋魚黎到， 比起東坡肉靚仔好多。 酸甜度適中， 魚塊炸得外脆內軟， 口感唔錯。 但係個白飯唔知點解又硬又乾， 感覺d米唔靚， 可惜。跟住到我最鐘意食既生煎包， 一份有4粒細細粒， 咬落去…無汁既…食開祥xx生煎包既我有d唔慣。 不過個包都算煎得幾香既， 係個餡唔夠肉汁， 有待改善。整體黎講唔貴， 不過食物質素有待改善。