香港地 (已結業)

今日Happy Friday，打算同同事去食餐好嘅，但度度都要等位，結果頹頹地黎左呢度食快餐，貪佢唔洗點等位。我今日食左碟男人碟頭飯：煎蛋豉椒免治牛肉炒飯（$58）。說實話質素真係好一般。首先，炒飯唔夠乾身，而且上面啲餸太多汁喇，水汪汪咁。而致命傷某程度上同我有關，就係我以為呢碟係豉椒排骨炒飯，原來我睇錯左，係免治牛肉，哈哈。難怪個配搭咁奇怪啦。呢度成日都好旺場，但都希望質素可以平均啲，唔好因為客源多而掉以輕心，始終外出食飯好難避免幫襯連鎖店呢。