南小館 (ELEMENTS圓方) (已結業)

鍾情於上海野食既我，終於可以試下成日見到既南小館好無食。小籠包係多汁，皮薄但不易穿，一籠有5隻，豬肉味道鮮味，不過肉汁偏酸。生煎包包底煎脆，同樣包裡多汁，不過皮較厚身，入邊既肉都偏酸，唔知係咪上海正宗味道定點，不過個人唔多喜歡酸味。手抓餅真係令人大跌眼鏡，街邊貨都仲好食過佢，d油多到可以煎多幾塊餅，無乜味唔算特別。排骨菜飯要分開黎講，排骨好咸，炸粉好厚，而且肉質倫酸；相反菜飯好好食，粒粒分明，菜新鮮而且非常爽口，寧願食多一碗菜飯。總括黎講南小館食物質素參差，有好有既亦有難食，以上一共吃了$260，服務費再加埋什麼落單費。