灑家燒味小廚 (已結業)

夜晚喺V City食飯，唔想等位就入左呢間。入到去一望餐牌，哇，呢啲食物黎講好貴。不過喺V City入面，貴都係正常。揀左一陣，叫左柱喉牛腩麵、皮蛋瘦肉粥同沙疆雞半隻。柱喉牛腩麵黎到嚇一跳，勁細碗，啲餸鋪滿哂個表面，唯有食左好多餸先可以食倒麵，好唔方便。味道一般，並無特別 。皮蛋瘦肉粥份量正常，但味道都係一般，而且味道偏淡，唔係人人啱食 沙彊雞定價有啲奇怪，例牌$68，半隻$72，咁無理由差4蚊唔買半隻。但例牌怕唔夠食，半隻又驚太多。味道唔錯，有味得黎唔會太咸，骨又唔碎。環境方面，餐廳嘅設計唔錯，賞心悅目。特別喜歡中間嘅特色長枱，令人感覺餐廳空間唔會太逼。服務方面，待應算貼心，見的我枱面太逼，隔離又冇人，主動幫我拍埋兩張枱，值得一讚。要彈嘅係，黎到嘅時候，張枱未清潔乾淨，所以俾我感覺衞生唔好。