Tiger Room (已結業)

今日初四開年，同大少行咗上咗嚟呢度食飯。12:15到，舖頭坐咗1／3人，仲有好多位剩。大少叫咗吉列豬扒咖喱飯，我就叫咗漢堡扒咖喱飯，再追加溫泉蛋。跟餐有味噌湯，沙律，漬物同埋雪糕。唔知係唔係因為初四嘅關係，可能店舖唔夠人手，所以個餐等左好耐先嚟到。大少個豬扒唔係厚切。雖然大少等埋我嗰餐來到先一齊食飯，但係個吉列豬扒都無比咖哩汁浸林，都仲好脆。輪到我個漢堡扒，個漢堡扒牛肉味好重，唔似係日式漢堡扒嘅煮法，切開塊漢堡扒，亦都唔見到有洋蔥粒。個漢堡扒好實，亦都唔juicy, 更加無應該有嘅洋蔥香味。對我來講，個咖喱汁有啲辣，我用咗個溫泉蛋撈落啲飯到，再撈咖喱汁，立刻好味哂。食完嗰餐，仲有Movenpick 雪糕送。後記，唔知係咪初四嘅關係，個個服務哥哥/姐姐都係初四咁嘅樣。總括來說，味道一般，服務亦一般。