鐵牛台灣牛肉麵 (金巴利道) (已結業)

午餐點了一個燒雞腿扒滷肉便當 + 香蔥麻辣豬軟骨擔擔拌麵，午市套餐可以加 $10 配凍珍珠奶茶，每人人均消費：$76。燒雞腿扒比較厚身，雞皮薄脆，但本身雞扒味無乜味，要靠醬汁提升味道。滷肉飯醬汁唔多，味道正常。便當配菜係：紅椒黃椒，無特別調味，得黃椒本身嘅甜味；涼拌粉絲，有台灣風味，不會太鹹；蒸蛋，蛋入面有蔬菜，蛋蒸得過熟，質地偏硬。擔擔拌麵，麵質煙韌有彈性，麻醬配上麻辣味，味道突出又融合，辣度偏小，適合食 BB 辣程度嘅朋友，豬軟骨好入味好軟滑。珍珠奶茶甜度偏甜，所以揀咗微甜，茶味偏淡，味道一般。餐廳座位寬敞，午市雖然人多，但都唔需要等位，坐得舒服，上菜速度都快。不過由於餐廳喺地底，手機訊號唔太好。