金裝燉奶佬餐廳 (華都商場)

下午經過屯門又唔知食乜好，是但見到間燉奶佬就走左入去，平常午餐都有食過，咁算可以！但是依家啲下午茶都唔平喎⋯不過都多選擇嘅，而且少有呢度係有中式糖水提供
！

一個下午茶餐咁樣就$38⋯質素越嚟越麻麻哋，西多士普普通通冇咩特別，粟米都幾甜嘅！雞翼炸得乾得滯！配咗個甜酸辣醬，食落就好啲！

杯凍檸茶冇茶味⋯又唔夠甜⋯唔好飲！
超普通的一餐下午茶，而且價錢唔平！
下次都係唔好咁衝動，上OpenRice睇咗食評先食！哈哈！