上海姥姥 (已結業)

我都幾中意食上海菜,今次就同屋企人食咗上海姥姥。 食物質素就覺得普通,有好食既有唔好食既。 我地叫咗黃金蝦仁炒飯,鍋貼,擔擔麵,酸辣麵,小籠包同蔥油餅。先講個飯,黎到就唔係好夠熱, 蝦仁就唔算少,不過唔夠熱既關係,我就覺得無想像咁好食,味道普通。鍋貼係ok既, 豬肉餡都算大舊,個底都有煎既果種脆。 小籠包算唔錯,包入面都多汁,皮唔厚。 擔擔麵好唔錯,味道好香濃,佢d麵係手拉既,所以比較好食。 酸辣麵就唔多夠酸辣, 比較適合大眾,小小怕辣既都可以食到。 蔥油餅就唔ok了,咬落去粉好多,無咩蔥油香,下次不會再叫。咁多樣我覺得生煎包最好食,包皮夠軟夠香,個底咬落去係鬆脆既,肉餡都唔會話無味。