Warren (已結業)

太耐冇黎大坑搵食，呢個weekend男朋友專登揀咗呢間法國菜嚟試吓，有A la carte同set menu選擇，我哋兩邊都order左黎試吓!首先係自家製麵包配上黑松露牛油，麵包好鬆脆可口，塗上牛油之後有好香黑松露味。羽衣甘藍牛油果黎麥沙律，食完有好fresh的感覺，配上士多啤梨汁好清新，所有材料都好健康配合得好好!!香煎鴨肝，鴨肝外層煎得夠脆但又唔會太油，配上蘋果醬同無花果中和返鴨肝嘅油膩感!!蟹肉南瓜湯和海膽龍蝦湯，兩個湯都是真材實料好夠味，唔會覺得淡或者好似溝左好多粉咁，so far 前菜同湯都做得好出色，睇得出廚師嘅用心，令人好期待個主菜!! 香煎美國頂級西冷，剛剛好五成熟唔會煎得過熟，肉質tender，廚師處理得不錯!!另一個主菜係香煎銀鱈魚配煙肉，魚嘅肉質一啲都冇雪藏味或者腥味，用煙肉包住去煎增加左鹹香味，我本人鍾意食魚多過牛扒，但男朋友就鍾意西冷多啲!完美的一餐又點可以冇個甜品嚟作結，芒果椰子酥餅，其實即係cheese cake上面再加左椰子碎，唔算太甜啱晒我口味!! 呢度食物好味之餘，環境好relax服務都唔錯，真係好適合情侶嚟食飯，過了開心又滿足的一晚!!