紅磡冰室 (已結業)

人人去紅冰都係食炒蛋、雞翼撈面常餐，可惜常餐去到6點就無，今次晚晚黎食，唯有試下小炒。尖沙咀鋪新開，地方好大，價錢同紅磡店差不多，尖沙咀黎講算抵。3個人叫左3個餸，西檸雞排、梅菜肉碎蒸菜心同鐵板薯仔牛柳粒。西檸雞排炸到好脆口，配埋檸檬汁送飯好開胃，可惜西檸汁唔多，唔係舊舊雞都沾到汁。梅菜洗得幾乾淨，無沙，食完去幾甜，菜心蒸得略淋，個汁又係可以送三碗飯！鐵板牛柳粒上碟好熱，食時要小心辣到咀，牛柳幾淋，亦有牛味，薯仔炸過先去炒，脆卜卜撈埋啲汁，好食。可惜牛柳既份量略小。整體黎講茶餐廳水準中間水平，勝在坐得舒服