Y Dining (已結業)

Y dining旺角食得多，今日走嚟走去，入到有地中海嘅感覺餐廳 ，旺角大街大巷，好易搵上到去，坐低叫咗兩個餐，飲啤酒走唔甩朋友飲奶昔，坐低無耐，啲餐包就到，非常靚呀，淨係食包都好好好好味，新鮮滾熱辣原來係自己做嘅，跟住呢個青口 ，煮得味道啱啱好 ，一個超大超粗嘅意大利通粉，真係唔簡單，再加埋啲慢煮牛肋骨冇得彈呀!肋條鬆軟肉質口感都好，真係色香味全，切落去粒粒咁好味，最後嚟過特別出名嘅芝士蛋糕甜品， 望落去仲以為係啲麵包，原來唔係係啲cream，燒一燒 非常好味呀，一餐嘆完回府休息，老友同聚，環境開心寫意。