影片
更多
2005-10-31
13 瀏覽
理性告訴我, 呢度高消費!感性告訴我, 呢度浪漫中帶點溫馨, 時尚中點著寫意!話明感性, 當然是有愉快的心情去用膳才有這樣的感受~雖然其他或會覺得有誇大之閑, 但當兩個人抱著欣賞的心情享受呢度o既環境o既時候, 或能領略到多少美好的東西~ 當然, 前題係: 你要預左係高消費!優質的服務是這裏的一大優點~ 如果落單上菜只係本份, 呢度就絕對勝於本份, 有被服務的感覺~ 恕我見識粗淺, 係香港食飯好少可見到伺應落單唔洗寫紙, 在眾多餐廳中, 伺應一律帶點機械地匆匆寫單, 呢度o既與別不同之處, 唔知呢個係米用心聆聽的表現呢? 上菜的次序也是恰到好處, 伺應會等我地先食完一道菜, 在上另一道, 而且每次都是兩份一齊上, 唔洗等另一個人的食物到才能進餐~ 真遺憾, 這樣體貼周到的服務(雖然在我看來有點理所當然), 我只在個別餐廳有幸享受過~ 不知是我o既飲食經驗尚淺, 還是我要求過高? 不過, 我唔係幾喜歡主菜以外加前菜/餐湯要另加錢~ 食物或許是我心理爭扎的主因~ 總體而言, 若單以食物由味道和份量黎評抵定唔抵, 我會選後者~ 但這不代表食物的質素唔高, 只係果句: 高消費!好似碳一樣的黑色
感性告訴我, 呢度浪漫中帶點溫馨, 時尚中點著寫意!
話明感性, 當然是有愉快的心情去用膳才有這樣的感受~
雖然其他或會覺得有誇大之閑, 但當兩個人抱著欣賞的心情享受呢度o既環境o既時候, 或能領略到多少美好的東西~ 當然, 前題係: 你要預左係高消費!
優質的服務是這裏的一大優點~ 如果落單上菜只係本份, 呢度就絕對勝於本份, 有被服務的感覺~ 恕我見識粗淺, 係香港食飯好少可見到伺應落單唔洗寫紙, 在眾多餐廳中, 伺應一律帶點機械地匆匆寫單, 呢度o既與別不同之處, 唔知呢個係米用心聆聽的表現呢? 上菜的次序也是恰到好處, 伺應會等我地先食完一道菜, 在上另一道, 而且每次都是兩份一齊上, 唔洗等另一個人的食物到才能進餐~ 真遺憾, 這樣體貼周到的服務(雖然在我看來有點理所當然), 我只在個別餐廳有幸享受過~ 不知是我o既飲食經驗尚淺, 還是我要求過高? 不過, 我唔係幾喜歡主菜以外加前菜/餐湯要另加錢~
食物或許是我心理爭扎的主因~ 總體而言, 若單以食物由味道和份量黎評抵定唔抵, 我會選後者~ 但這不代表食物的質素唔高, 只係果句: 高消費!
好似碳一樣的黑色餐包, 賣相好特別!
以推廣價試左白酒忌廉汁炒法國小青口: 個汁好香, 比例o岩o岩好, 能夠帶出青口的鮮, 但又唔會濃到蓋過青口的味道! 忍唔住食左幾啖汁~ 青口新鮮好味!($68)
蘑菇忌廉湯配新鮮無花果及黑松露菌油: 個名好花巧, 味不錯, 但我不太欣賞口感象麥片的湯~ (配主菜價: $40)
新鮮波士頓龍蝦(半隻)配蕃茄乾忌廉汁: 龍蝦的確新鮮美味, 而且配個蕃茄忌廉汁味道幾特別, 又係果句, 正在個汁能夠令龍蝦更好味, 又冇蓋過龍蝦的鮮~ 不過半隻龍蝦都ok 細隻下, 一般人其實應該唔係好夠食~ ($168)
扒牛柳配牛肝菌燒汁: 牛柳燒得幾好味~ 外面稍脆, 裏面嫩~ 但自問味蕾不太敏感, 又食唔出其特別好味之處($148)
總結而言, 銀包許可的話可以帶一個愉快欣賞的心情去試下~
張貼