翔壽司 (已結業)

晚上去左呢間食日本野叫左omakase「櫻 Sakura 」，入面有10款 壽司、手卷同面豉湯 。10款 壽司係逐件上，有金目鯛、生銀鱈魚、吉備奈子、鰹魚、北海道牡丹蝦、赤貝、蜜柑鯛、北海道海膽、目光、大吞拿魚腩 。金目鯛肉質彈牙；目光微微燒過帶出魚油香；北海道海膽幾甜，啖啖海膽；吉備奈子第一次食，味道幾清甜；赤貝大大粒，鮮甜；蜜柑鯛輕灸，配以蜜柑汁；大吞拿魚腩幾厚肉。蔥吞拿魚腩手卷好多魚腩蓉，幾滿足。麵豉湯仲加左櫻花蝦頭，加添左鮮味。整體食到好多款壽司，食材新鮮，唔錯。