炳記牛牛 (已結業)

叫了焗芝士銀鱈魚意粉和薑汁燉奶, 燉奶先上檯, 本來以為侍應會識做, 應等客人食了主菜才上甜品, 可惜燉奶先上, 咁就無謂坦凍, 燉奶不夠薑汁味, 亦不夠辣, 又不是很滑, 味道一般, 可能此店不是專做甜品, 故亦不能強求, 之後等多約五分鐘, 意粉上檯, 香噴噴的芝士佈滿了整碟意粉, 食了幾啖, 已經覺得幾溜, 因為實在太多芝士了, 而小妹的銀鱈魚無咩肉食, 可能因為那部份剛位於多骨的地帶, 魚亦有點兒腥, 味道普通, 最後小妹才發覺此餐廳晚市需加一, 但小妹認為這裡的侍應服務普通, 落order時也只是劃紙仔, 真係懷疑有咩需要再收加一此餐廳的座位分佈太密了, 經常都人撞人, 給人頗為迫和局促的感覺, 不過幾乾淨, 所以都吸引幾多人係度食o野