三文魚刺身($45)，價錢已經半價左，共十片，好抵食，每片都好長好肥美，而且仲係用魚腩部位油脂味香濃。
香芒乳酪松葉蟹卷($55)，乳酪既微酸，芒果既甜，再點一點wasabi既辛辣，三種味道一次過衝入味蕾，配搭埋松葉蟹既酥脆口感。
牛油果軟殼蟹卷($58)，牛油果色澤都好靚好新鮮，軟綿綿既口感，加上蟹籽既爽口，軟殼蟹既脆口，一次過放入口，口感層次豐富。
牛油炒雞腎($52)，上菜時熱辣辣仲出緊煙，雞腎唔韌好易咬，帶微微爽口，加左芝麻和黑椒食落更加香口，唯一改善係如果能夠切得大片一d食落口感會更好。
鰻魚炒飯($78)，個飯睇落平平無奇，內裏實際上有好多片鰻魚，絕對係落足材料。
