食之劇場餐廳 (已結業)

想食日本野，對自己好啲～揀間靚靚高質餐廳。揀咗每位$900嘅雲餐～首先係前菜3點，螢光魷魚配上味噌醬。有兩隻螢光魷魚🦑味道幾特別。另外有日本髮菜，透明咁樣，凍食幾爽。另有合桃小女子，合桃幾香小小甜味，仲有蝦爽口。之後就到旬之刺身2點。係薄切平目魚及立魚。平目魚夠白色，薄切食落去有爽爽地嘅口感，好新鮮！立魚大大件，厚肥亦都相當鮮味。到燒物係燒鮫魚，肉質比想像中好，都幾好食～煮物係豚肉sabusabu 。豚肉幾多，夠林身，鍋都豐富。湯係帶子魚湯，帶子煎過金黃。湯少少奶白色😍最後有黑糖布甸及柚子雪芭做甜品。兩樣都好食！好滿足！